ليه تنسى يالمكان

بعد ما مرت سنين .. وزاد في دمي الحنين
قلت : أبمر الأماكن.. !!
أشتهي غبار المساكن..
كانت اللحظة جنون ..
وكان فيني الشوق ساكن...!!!

ورحت لملمت البقايا
والشظايا..
بكتب آخر فصلتحويه الحكايا..

وفي مسافات الطريق
كنت في الذكرى "غريق"...!!

وانتهت فيني المسافة..
وابتدت غربه ومخافة...!!

جيت حييت المدينة..
اللي عنها رحت طفلة ايدي في ايدين أمي
جيتها وفي يديني همي...!!

وللأسف كل شي خذلني
المكان اللي حضني..
هو نفسه اللي رفضني..!!!

ليه تنسى يالمكان ؟؟؟!!!
خفت .. ضيعت الأمــــــــان..!!!

صار اللي ماهقيته ..
وين بيتٍ وأنا طفلة قد بنيته ؟!!
وين احساس زرعته وما جنيته ؟!!..
تهت .... ضيعت الهدى

صحت فيهم ...
" منهو فيكم شاف بيتي ؟؟!! "
ومايرد إلا الصدى..!!!
وتمتماتي : " ليتني ما جيييييت "..
ليتني...!!!

" هاااه أختي .. وش بغيتي؟!!"
التفتت..
ماعرفت إلا العيون..!!
وصوت عمره مايهون...

قال : ".....................؟؟!!!"
" والله دنيااااا"
" ماعرفتيني يا...........؟!!"
" أنا اللي عنك أدافع " !!!
واتبعك في كل حاره..

اختلط حزني وفرحي..

همس صوته هد صرحي..
وتوه يذكرني المكــان..
وتوه يرجع لي الزمااان..
وتوها تحلى الحكاية..
وابتديت أكتب بداية فصل عنوانه ( النهاية)...!!

" هاه .................ز؟؟"
" وين صرتي ؟؟"
" قبل ما أنسى..."
" هذي مرتي.."
"ذي فلانة .. تعرفيها؟.."
" بنت عمي اللي كنتي لما نلعب تطرديها..!! "
" صح صغيرة "...
" بس وربي إن غلاها بوزن ديرة.."

" تدري .......... ..؟! "
" وربي في ( مرهـ ) ذكرتك .. عند بابك.."
" إلا بسأل!!! وشهو جابك؟؟!! "

((( وشــهــو جــــابــــك..؟؟؟!!!)))

هالسؤال اللي صفعني..!!
ابتسمت له بثقل ...
وقلت : .. اوراق وشغل...

ورحت أمشي بكل ثقة ..
كني أدري وين أمشي..
والله مـــــــــــــا أدررررري
.... انتظرته يقول .. " بدري" ..!!

بس رااااااح
ونصل حرفه في الجراح..
وانتهت فيني المسافة ..
وكل شي أعلن جفافه..
وانتهيييييييت
وانا تووووي ماأبتديت..!!

وانتثر حبر الحكاااااية ..
وانلغى فصل ( النهااااية)...!!

أعجبني فنقلته لكم ...

رووعه

يعطيك العافيه

أنتي الاروع بهالمرور

شتات

يسلموووو على النقل اروووعه

تقبل مروري

الظاميه